A OPINIÓN DOS PROFESORES

Publicamos hoxe unha selección das mensaxes deixadas no libro de visitas do Gabinete polos titores dos grupos escolares que participaron nesta fase preliminar.

Alégranos infinitamente que a experiencia lles parecese divertida. E que lles axudase a introducir na aula o apaixoante tema da enerxía. Parece que imos polo bo camiño!

VELAQUÍ OS PROTAGONISTAS

Está moi ben que a Doutora e máis Waldemar envíen saúdos aos escolares que xa pasaron polo seu Gabinete. Pero, pensando en todos os que aínda non os coñecen, quixeramos presentalos de maneira un pouco máis formal.

Para empezar, nada mellor que os retratos que figuran nos seus pasaportes:

Deseguido, algunhas fotos tomadas durante as visitas que recibiron ao longo da pasada primavera:

Engadamos agora un pouco de movemento. Grazas a estes GIF animados, que resumen de xeito moi elocuente o carácter de cada un deles. E tamén a relación que existe entre ambos. Non deixedes de compartir estas sinxelas animacións nas vosas redes sociais.

A DOUTORA:

WALDEMAR:

OS DOUS XUNTOS:

Por último, algúns clips de vídeo con momentos memorables das súas explicacións: